Конор Макгрегор Чендлермен жекпе-жегін ерекше жерде өткізетінін жариялады

Екі салмақ дәрежесінде UFC чемпионы болған Конор Макгрегор әлеуметтік желілерде дүрліктірер мәлімдеме жасады, деп хабарлайды Happy Punch.

«Қайтып оралатынымды жариялауға қуаныштымын! Ақ үйдегі UFC турнирінде өнер көрсетемін – бұл менің шоуым. Қарсыласым ше? Майкл Чендлер. Біз The Ultimate Fighter шоуында бірге түсірілдік. Ол мықты жауынгер, жақсы жігіт», – деп жазды ирландиялық.

Макгрегор үшін бұл Дастин Порьеден жеңілгеннен кейінгі алғашқы октагонға шығуы болмақ – төрт жыл бұрынғы жекпе-жек бірінші раундта техникалық нокаутпен аяқталған еді.

Тарихи оқиға келесі жазда Ақ үйдің Оңтүстік алаңында өтеді – салмақ өлшеу рәсімі Линкольн мемориалының алдында өткізіледі.