КОНМЕБОЛ 2030 жылғы әлем чемпионатына 64 команданың қатысуын ұсынды

BBC Sport хабарлауынша, Оңтүстік Америка футбол конфедерациясы (КОНМЕБОЛ) 2030 жылғы әлем чемпионатына қатысушылар санын 64 командаға дейін арттыру туралы ресми ұсыныс жасады.

КОНМЕБОЛ президенті Алехандро Домингес бұл бастаманы турнирді кеңінен қолжетімді ету ниетімен түсіндірді.

— Бұл — барлық елдерге әлемдік тәжірибені сезінуге мүмкіндік беретін қадам. Ешкім футбол мерекесінен тыс қалмауы тиіс, — деді Домингес.

Егер бұл бастама мақұлданса, турнирдегі матчтар саны екі есеге өсіп, қазіргі 64-тен 128-ге дейін жетеді.

УЕФА президенті Александр Чеферин ұсынысқа қарсы пікір білдірді. Оның айтуынша, бұл «күтпеген және жаман идея».

Айта кетейік, 2030 жылғы әлем чемпионаты алғаш рет үш құрлықта өтеді. Негізгі кезең Испания, Португалия және Мароккода өтсе, алғашқы матчтар Аргентина, Парагвай және Уругвайда ұйымдастырылады. Турнир алғашқы әлем чемпионатының 100 жылдығына орай өткізіледі.