Командамыз АҚШ-қа есе жіберді

Универсиаданың әйелдер хоккейі турнирінің топтық кезеңіндегі соңғы матчта Қазақстан студенттер құрамасы АҚШ командасымен кездесті. Бұл туралы insports.kz телеграм арнасы жазды. Бірінші кезеңде гол соғылмады. Екінші кезеңде қарсылас команда есеп ашты. Үшінші кезеңде 4 шайба соғылды. Осылайша кездесу АҚШ құрамасының пайдасына аяқталды.

Қазақстан — АҚШ 0:5 (0:0; 0:1; 0:4)

0:1 — 35:25 — Баттлс (Фасси, Грин)

0:2 — 53:02 — Браун (МакКена)

0:3 — 54:14 — Баттлс (Грин, Густаффсон)

0:4 — 54:56 — Линдал (МакКена)

0:5 — 59:47 — Баттлс (Грин)

Қақпашылар: Говтва (Искакова, 58:39-60:00) — Герелли

Бұл матчпен Қазақстан әйелдер құрамасы үшін хоккей турнирі аяқталмайды. Словакия, Чехия, Канада, Жапония командалары жартылай финалға шықса, топтарда үшінші және төртінші орын алған командалар плей-аут ойындарын өткізеді. Бұл кездесулердің жеңімпаздары бесінші орын үшін, ал жеңілгендері жетінші орын үшін ойнайды.

Осылайша, бүгін 17 қаңтар күні құрамамыз Қытайдың Тайбэйімен кездеседі. Матч Қазақстан уақыты бойынша сағат 20:30-да басталады.