Колби Бишоп «Портсмутпен» жаңа келісімшартқа қол қойды

«Портсмут» ресми сайтының хабарлауынша, шабуылшы Колби Бишоп клубпен 2027/28 маусымының соңына дейін келісімшартын ұзартты.

28 жастағы форвард 2022 жылдың шілдесінде «Аккрингтоннан» ауысқан сәттен бастап 120 матчта 50 гол соқты. Өткен жазда медициналық тексеру кезінде анықталған қауіп-қатерлерге байланысты ашық жүрекке ота жасатқан Бишоп қараша айында алаңға қайта оралды.

«Мен келгеннен бері ол команданың маңызды бөлігіне айналды, оның голдары өзі үшін сөйлейді», – деді бас бапкер Джон Мусиньо. – «Престонға» қарсы ойында ол алаңға шыққанда «Фраттон Парк» стадионы қалай көтерілгенін бәріміз көрдік».

Айта кетерлігі, Бишоп мансабын төменгі лигаларда бастап, Чемпионшипте 28 жасында ғана дебют жасады. Соған қарамастан, ол жаңа деңгейге тез бейімделіп, жоғары нәтижелілігімен және командалық ойынымен ерекшеленуде.