Клубтық әлем чемпионатында «Челсидің» матчына билеттер рекордтық төмен бағамен сатылуда

BBC Sport хабарлауынша, Клубтық әлем чемпионатының ширек финалындағы «Челси» мен «Палмейрас» арасындағы матчқа билеттер небәрі 11,15 долларға сатылуда — бұл турнир тарихындағы ең төмен бағалардың бірі.

Лондон клубының ойындарына келушілер саны қатты алаңдаушылық тудыруда — «Лос-Анджелес», «Эсперанс» және «Бенфика» қарсы ойындарға тек 22137, 32967 және 25929 көрермен келген, нәтижесінде стадиондар жартылай бос қалған.

Келушілердің аздығының бірнеше себептері бар:

• Тәуелсіздік күні шеруімен тұспа-тұс келуі
• Қатты ыстық пен найзағай
• Ойындардың ыңғайсыз уақытта басталуы
• Әлсіз маркетинг
• Бастапқыда жоғары бағалар

Салыстырмалы түрде — «Реал Мадрид» пен «Боруссия Дортмунд» арасындағы ширек финалға билеттер 183 доллардан басталса, «ПСЖ» мен «Бавария» матчына — 83 доллардан басталады. «Манчестер Сити» мен «Интер» шығып қалғаннан кейін «Әл-Хиләл» мен «Флуминенсе» арасындағы ойынға билет бағасы да 11 долларға дейін төмендеді.