13.03.2025
Оқу уақыты: 1 мин
5.0 Рейтинг
21 Комментарии

Килиан Мбаппе Франция құрамасына қайта оралды

Франция құрамасының бас бапкері Дидье Дешам Килиан Мбаппені ұлттық құрамаға қайта шақырды. «Реалдың» шабуылшысы Ұлттар лигасының ширек финалында Хорватияға қарсы ойнайды.

26 жастағы ойыншы соңғы екі оқу-жаттығу жиынына қатыспаған еді. Қазан айында Дешам оның физикалық жағдайына байланысты тәуекелге бармауды жөн көрсе, қарашада бұл «бір реттік жағдай» деп түсіндірілген. Алайда екі жағдайда да Мбаппе клубтық деңгейде ойындарын жалғастырды.

Франция құрамасының капитаны Хорватияға қарсы матчтарға қатысады. Бірінші кездесу Сплитте, ал жауапты ойын Парижде өтеді. Сонымен қатар, «Пари Сен-Жермен» ойыншысы Дезире Дуэ алғаш рет ұлттық құрамаға шақырту алды.

Франция құрамасының толық тізімі:

Қақпашылар: Меньян, Самба, Шевалье
Қорғаушылар: Динь, Эрнандес, Конате, Салиба, Упамекано, Клаусс, Павар, Кунде
Жартылай қорғаушылар: Тчуамени, Камавинга, Гендузи, Рабьо, Заир-Эмери, Коне
Шабуылшылар: Тюрам, Баркола, Дуэ, Коло Муани, Мбаппе, Олисе, Дембеле