Киберспортшы MidOne Tundra Esports құрамында уақытша ойыншы болды

Tundra Esports мәлімдеуінше, киберспортшы Чжэн «MidOne» Йек Най PGL Wallachia Season 4 турнирінде команданың уақытша ойыншысы ретінде қосылды.

Топтық кезеңде MidOne команда жаттықтырушысы Дэвид «MoonMeander» Танның орнын басады. Tundra Esports плей-оффқа өткен жағдайда — Нета «33» Шапираның орнына офлейнер позициясында ойнайды.

Айта кету керек, MidOne бұған дейін PGL Wallachia Season 2 турнирінде Tundra Esports сапында өнер көрсетіп, команда үшінші орын алған болатын.

Қазіргі PGL Wallachia Season 4 турнирі Бухарестте өтуде, жүлде қоры бір миллион доллар — жеңіс үшін 16 команда таласуда.