Киберспорт сарапшысы Ревин The International іріктеу турниріндегі командалардың деңгейін бағалады

Танымал киберспорт комментаторы Сергей «Smile» Ревин The International 2025 жабық іріктеу турнирінде өнер көрсетіп жатқан Шығыс Еуропа командаларының ойынын талдады.

Аймағымыздағы Инттің іріктеу турнирін екі күн бойы қарадым, деңгей өте төмен екен. Аврора мен Нави командаларынан басқа ешкім сапалы ойын көрсете алмай жатыр. Финалда осы екі команданы көретін шығармыз.

Қазіргі уақытта Aurora Gaming пен Natus Vincere жоғарғы тордан бір-бір жеңіске қол жеткізді — екеуі де 2:0 есебімен. Жоғарғы тор финалына шығу үшін әр командаға тағы бір матч ұтуы қажет.

The International 2025 басты турнирі Гамбургте қыркүйектің 4-14 аралығында өтеді — чемпиондық атақ үшін 16 команда таласады, олардың сегізі турнирге тікелей шақырту алған.