КХЛ лига регламентіне маңызды өзгерістер енгізді

КХЛ-дің ресми сайтының мәліметінше, лига регламентке бірқатар елеулі өзгерістер бекітті.

Құжаттың құқықтық бөлігінде үш негізгі жаңалық пайда болды — қақпашыларға «шектеусіз еркін агент» мәртебесін алу үшін енді 200 ойын өткізіп, 28 жасқа толу керек, ал «үш ауысу» ережесі бас тарту тізімінен таңдалған ойыншыларға қолданылмайды. Сонымен қатар, трансфер терезесінің мерзімі 25 қаңтарға ауыстырылды.

Спорттық регламентте матчтан кейінгі буллиттер форматы өзгерді — енді жеңімпазды анықтау үшін командалар бес емес, үш лақтырым жасайтын болады.