Қазақстандық теннисші Жұқаев Эшторил турнирінің іріктеуінде күтпеген жеңіліске ұшырады

Бейбіт Жұқаев Эшторил теннис турнирінің іріктеу жартылай финалында күтпеген жеңіліске ұшырады.

ATP рейтингінде 208-орында тұрған қазақстандық теннисші әлемдік рейтингте 709-орынды иеленген жергілікті спортшы Франсишку Рошамен кездесті.

Фаворит мәртебесіне қарамастан, Жұқаев ұйымдастырушылардан wild-card алған португалиялық теннисшінің қарсылығын жеңе алмады — кездесу 2 сағат 36 минутқа созылып, 4:6, 6:1, 6:7 есебімен аяқталды.

Іріктеудің шешуші матчында Роша ATP рейтингінде 333-орынды иеленген ресейлік теннисші Алексей Ватутинмен кездеседі.