Қазақстандық теннисші Венгрияда өткен халықаралық турнирде күміс жүлдеге ие болды

Olympic.kz порталының мәліметінше, қазақстандық спортшы Алан Құрманғалиев Венгрияның Сомбатхей қаласында өткен WTT Youth Contender үстел теннисінен халықаралық турнирде ерекше шеберлік көрсетті. Ол 19 жасқа дейінгі санатта күміс медальға ие болып, турнирде жеті жеңіс пен бір ғана жеңіліс көрсетіп, әсерлі нәтижеге қол жеткізді.

Құрманғалиев финалға дейін Болгариядан Стефан Димитровты және Люксембургтен Маэль Ван Дессельді 3:0 есебімен, Тайбэйден Тай По-Чунды 3:2 есебімен, Румыниядан Драгож Бужорды 3:0 есебімен жеңді. Сонымен қатар, ол Словакиялық Михаил Ловгуды 3:2 есебімен, Швециядан Исак Альфредссонды және Кореядан Ли Чон Мокты 3:0 есебімен ұтып, финалға шықты. Алайда, шешуші матчта Алан турнир иесі, венгриялық Балаж Лэйге 0:3 есебімен жеңілді.

Құрманғалиев сондай-ақ 17 жасқа дейінгі санатта қола медальға ие болып, халықаралық аренада қазақстандық үстел теннисінің жоғары әлеуетін тағы бір мәрте көрсетті.