Қазақстандық теннисші Бахрейндегі турнирдің финалына шықты

Қазақстандық Бейбіт Жұқаев пен украиналық серігі Виталий Сачко Манамада (Бахрейн) өтіп жатқан жұптық теннис турнирінде финалға жолдама алды.

Қазақстан-Украина дуэті бір күнде екі сенсациялық жеңіске жетті. Ширек финалда олар турнирдің бірінші нөмірлі жұбын — испаниялық Серхио Гомес пен румыниялық Виктор Влад Корнюді 6:7, 6:3, 10:4 есебімен тізе бүктірді.

Жартылай финалда Жұқаев пен Сачко нидерландтық Барт Стивенс пен АҚШ өкілі Васил Кирковты тартысты матчта 7:6, 6:7, 10:4 есебімен ұтып, жанкүйерлерді тағы бір мәрте таңғалдырды.

Финалда олар беларусь-француз жұбы — Иван Лютаревич пен Люка Санчеспен кездеседі. Жұқаев пен Сачко үшін бұл маңызды матч болмақ, себебі жеңіс оларға үлкен бедел мен рейтингтік ұпайлар әкеледі.