Қазақстандық шахматшы Алуа Нұрман Азия чемпионы атанды

Қазақстандық шахматшы Алуа Нұрман Біріккен Араб Әмірліктерінде өтіп жатқан Азия чемпионатында топ жарып, алтын медаль иеленді.

Алматыдан шыққан 18 жастағы спортшы турнир барысында 6 партия қатарынан жеңіске жетіп, шешуші турда жерлесі Ксения Балабаеваны жеңді. Қосымша көрсеткіштер бойынша ол тәжірибелі ресейлік гроссмейстер Валентина Гунинаны басып озды.

Жарыс қорытындысы:

• Алуа Нұрман (Қазақстан) – алтын
• Валентина Гунина (FID) – күміс
• Син Юйсинь (Қытай) – қола

Сондай-ақ, Қазақстан намысын қорғаған өзге шахматшылар да үздік ондықтан көрінді:

• Елназ Қалиахмет – 5-орын
• Ксения Балабаева – 7-орын
• Лия Құрманғалиева – 10-орын

Бұл жеңіс – қазақ шахматы үшін маңызды жетістік.