Қазақстандық шабуылшы БАТЭГЕ ауысуы туралы айтты

Bel.football ақпаратына сәйкес, қазақстандық футболшы Оралхан Өміртаев Беларусьтің БАТЭ клубына ауысу тарихымен бөлісті. 26 жастағы шабуылшы шетелде ойнаған алғашқы тәжірибесі және оның Беларусьтегі футбол сапары туралы айтты:

«Маған Беларусьте өз күшімді сынап көруге кеңес берілді. Бұл менің шетелдегі алғашқы сапарым болды. Өзімді басқа чемпионатта сынап көргім келді, қалай болатынын білгім келді. Осылайша мен «Слуцк» клубында болдым», – деді Өміртаев.

Футболшы БАТЭ-ге ауысу туралы шешімінің себебін де түсіндірді:

«Маған БАТЭ-ге ауысу мүмкіндігі туралы хабар түскенде, бірден келістім. Өйткені, мұндай танымал клуб шақырғанда, бас тарту қиын. Келісімшарттың шарттары өзгермеді, бірақ клубтың беделі мен оның елдегі флагман мәртебесі шешуші рөл атқарды. Турнир кестесіне тіпті қарамадым, Борисов клубының қызығушылығы туралы естігенде бірден келістім».

Беларусь Жоғары лигасының ағымдағы маусымында қазақстандық форвард жақсы нәтижелер көрсетіп, 22 матчта 8 гол соғып, бір голдық пас берді. Бұл оның командаға құнды ойыншы екенін растады.