Қазақстандық қыздар әлем чемпионатының іріктеуін ірі жеңіспен бастады

Шымкенттегі Beeline Arena ұлттық теннис орталығында 16 жасқа дейінгі қыздар арасындағы Billie Jean King Cup турнирінің Азия/Тынық мұхиты аймағы бойынша финалдық іріктеу кезеңі басталды.

«D» тобында ойнайтын Ярослава Шведова баптайтын Қазақстан құрамасы алғашқы матчта Филиппинді 3:0 есебімен тас-талқан етті. Еркежан Жанатаева қарсыласын 6:0, 6:0 есебімен, ал Ева Корышева 6:0, 6:2 нәтижесімен жеңіп шықты. Парлы сында қос қазақстандық 6:1, 6:2 есебімен басым түсті.

Ертең, 13 мамырда, Қазақстан Таиландпен кездеседі. Қытайды 0:3 есебімен ұтылған Таиланд әзірге соңғы орында. Ал Қазақстан мен Қытай үш ұпайдан жинап, топты бөлісіп тұр.

Beeline Janymda – матчтарды қай жерде жүрсең де тамашала!

«A`SU – әр сағат сайын іш!»