Қазақстандық Құламбаева Мадридтегі жұптық турнирдің жартылай финалына шықты

SPORT+ мәліметінше, Жібек Құламбаева Мадридтегі ITF W100 турниріндегі сәтті өнер көрсетуін жалғастыруда. Қазақстандық теннисші италиялық Николь Фосса Уергомен бірге жарыстың жартылай финалына өтті.

Қазақстан-Италия жұбы бастапқы кезеңді сенімді еңсерді. Хорват Тена Лукас пен румын Андрея Пришакариумен болған кездесуде 6:1, 6:4 есебімен жеңіске жетті.

Ширек финалда Құламбаева мен Фосса Уерго, грек-америкалық жұп Элени Христофи мен Элизабет Мандликті екі сетте 6:3, 7:5 есебімен жеңді.

Финалға шығу үшін қазақстан-италия жұбы Алжир мен Нидерланд өкілдері Инес Иббоу мен Бибиана Схоофспен күш сынасады.