Қазақстандық киберспортшы Quinn-мен Gaimin Gladiators құрамындағы жұмысы туралы айтты

Gaimin Gladiators сапорты Арман «Malady» Оразбаев PM Esports YouTube-арнасына берген сұхбатында мидер Квин «Quinn» Каллаханмен жұмысы туралы әңгімеледі.

Оразбаевтың айтуынша, Quinn-нің көпшілік алдындағы бейнесі команда ішіндегі мінез-құлқынан мүлдем өзгеше — америкалық ойыншы өзіне өте талапшыл және жеңілістерді ауыр қабылдайды.

«Quinn жеңілгенді қатты ұнатпайды және әрдайым өз қателерін байқап, оларды өзі түзетеді. Егер біз қандай да бір ойынды жеңілсек, командада ең көп күйзелетін Quinn болады», — деді Оразбаев.

Қазақстандық сапорт Quinn-нің команданың дамуына үлкен үлес қосатынын атап өтті — ол матчтарды талдау және әр ойыншымен жеке жұмыс жасау бастамасын өз мойнына алады.

Бұған дейін кәсіби ойыншы Алексей «Solo» Березин Quinn-ді про-сахнадағы эмоционалды тұрақсыз ойыншылардың бірі ретінде сипаттаған болатын.