Қазақстандық Кенжібаева Қытайдағы ITF жұптық турнирін жеңіп алды

Сандуғаш Кенжібаева ресейлік Софья Лансеремен бірге Қытайдың Мааньшан қаласындағы ITF турнирінде жұптық разрядта жеңімпаз атанды.

Турнирдің екінші нөмірлі жұбы — Кенжібаева мен Лансере — финалдық кездесуде бірінші нөмірлі жұп Мэйки Го (Қытай) мен Пеангтарн Плипуеч (Тайланд) жұбын 6:3, 3:6, 10:8 есебімен жеңді — матч 1 сағат 14 минутқа созылды.

Қазақстандық теннисші үшін бұл биылғы маусымдағы төртінші титул — бұған дейін Кенжібаева Түркияның Анталья қаласында өткен жұптық турнирлерде үш рет жеңіске жеткен болатын.