Қазақстандық дзюдошылар Австриядағы Гран-при кезеңіне қатысады

Дзюдодан Қазақстан ұлттық құрамасы 7-8 наурызда Австрияда өтетін әлемдік Гран-при кезеңінде ел намысын қорғайды, деп хабарлайды Қазақстан дзюдо федерациясының баспасөз қызметі.

Жарысқа 52 елден 438 спортшы қатысады деп жоспарланған. Қазақстан құрамасынан 14 дзюдошы бақ сынайды.

Әйелдер құрамасы:

• Абиба Абужақынова (-48 кг)
• Толғанай Әбеуова (-52 кг)
• Дана Абдирова (-57 кг)
• Самалай Ерғалиева (-63 кг)
• Ақерке Рамазанова (+78 кг)

Ерлер құрамасы:

• Талғат Орынбасар (-60 кг)
• Нұрмұхаммед Ботабай (-66 кг)
• Қуан Барыс (-73 кг)
• Данияр Шамшаев (-73 кг)
• Мади Амангелді (-81 кг)
• Азат Күмісбай (-81 кг)
• Мейірлан Максим (-90 кг)
• Нұрлыхан Шархан (-100 кг)
• Жантілек Нұртілепұлы (+100 кг)

Айта кетейік, бұған дейін Қазақстанның бокстан әйелдер құрамасы әлем біріншілігіне қатысатыны хабарланған болатын. Бұл жарыс 9-16 наурыз аралығында Сербияның Ниш қаласында өтеді.