Қазақстандық боксшылар Азия жастар чемпионатында 41 алтын медаль жеңіп алды

Қазақстанның бокстан жастар құрамасы Азия чемпионатында керемет өнер көрсетті — команда 41 алтын және 6 күміс медаль жеңіп алды.

Жастар санатында қазақстандық боксшылар 22 финалда жеңіске жетті. Ерлер арасында чемпион атанғандар:

• Нұрхан Құмарбеков (48 кг)
• Досымжан Танатар (51 кг)
• Алдияр Баһадүр (54 кг)
• Нығман Нығмет (57 кг)
• Әділет Төртөбек (60 кг)
• Мұхит Нұрқабылұлы (63,5 кг)
• Сұлтан Тұрдалы (67 кг)
• Игорь Соловьев (80 кг)
• Расул Асанханов (92 кг)
• Бексұлтан Қайратұлы (92+ кг)

22 жасқа дейінгі санатта Өзбекстан түлегі, Қазақстан намысын қорғайтын Аман Қоңысбеков ерекше көзге түсті — ол 75 кг салмақта Шри-Ланка боксшысын сенімді жеңді.

Қазақстанның 22 жасқа дейінгі әйелдер құрамасы керемет нәтиже көрсетті — 12 финалдың 9-ында жеңіске жетіп, оның 6-ы техникалық нокаутпен аяқталды.

Әр алтын медаль үшін спортшылар 1000 доллардан, күміс үшін 500 доллардан алды. Жалпы жүлде қоры 44 250 долларды құрады.