Қазақстандық боксшылар Амманда Азия чемпионатында 44 медаль жеңіп алды

Қазақстан құрамасы Амманда өткен бокстан Азия чемпионатының медаль санағында сенімді жеңіске жетті, деп хабарлайды Shaiba.kz. Бұл турнир — World Boxing қолдауымен өткен алғашқы құрлықтық жарыс.

15 және 17 жасқа дейінгі жас санаттарындағы қазақстандық боксшылар тамаша нәтиже көрсетті — жалпы саны 44 медаль жеңіп алды.

• 16 алтын медаль
• 15 күміс медаль
• 13 қола медаль

Өзбекстан құрамасы 42 медальмен (15-15-12) екінші орынды иеленсе, Үндістан командасы 43 медальмен (15-6-22) үшінші орынға тұрақтады. Үздік бестікке сондай-ақ Украина (5-7-24) мен Иран (1-5-5) енді.

Жарысқа 18 елдің жас спортшылары қатысты — ауқымды турнир жасөспірімдер боксының әлемінде маңызды оқиғаға айналды.