Қазақстандық боксшылар Әлем кубогында сәтсіз күн өткізді

World Boxing мәліметі бойынша, қазақстандық құраманың Фос-ду-Игуасуда өтіп жатқан Әлем кубогының екінші күніндегі көрсеткіші көңіл көншітпеді.

54 келі салмақта Анита Әдішева поляк боксшысы Виктория Рогалиньскадан нокдаунға түсіп, 0:5 есебімен жеңілді. Ерлер арасындағы жарыста Талғат Сырымбетов та нокдаунға түсіп, ширек финалда бразилиялық Луис Оливейраға есе жіберді.

50 келі салмақта Нұрзат Оңғаров өзбекстандық Асылбек Жәлиловтан, ал 65 келіде Алмат Абдуәли жергілікті Рейс Фалькаоға 0:5 есебімен жол берді.

Күннің жалғыз жеңісі ауыр салмақтағы Даниял Сапарбайға тиесілі болды — ол үндістандық Нарендерді 3:2 есебімен жеңіп, жартылай финалға жолдама алды.

Қазақстан бұл турнирде сегіз ерлер және үш әйелдер салмақ дәрежесінде бақ сынауда.