Қазақстандық боксшы Сербиядағы әлем чемпионатында гректі нокдаунға түсірді

Қазақстандық Виктория Графеева — Азияның қазіргі чемпионы — Сербияның Ниш қаласында өтіп жатқан әйелдер арасындағы бокстан әлем чемпионатында сенімді өнер көрсетті.

60 килограмға дейінгі салмақ дәрежесінің 1/8 финалында Қазақстандық спортшы Грекияның екі дүркін чемпионы және Балқан чемпионатының жеңімпазы София Легакимен кездесті.

Жекпе-жек Графееваның 5:0 есебімен сенімді жеңісімен аяқталды — екінші раундта қазақстандық боксшы қарсыласын нокдаунға түсірді.

Еске сала кетейік, Виктория Графеева үш ай бұрын Тайландтың Чиангмай қаласында өткен Азия чемпионатында алтын медаль жеңіп алған болатын.