Қазақстандық боксшы қыздар 2025 жылғы ӘЧ-де екі жеңіске қол жеткізді

Сербияның Ниш қаласында әйелдер арасындағы бокстан әлем чемпионаты басталды. Қазақстандық спортшылар алғашқы жеңістерге қол жеткізді.

50 келі салмақ дәрежесінде өнер көрсеткен Алуа Балкибекова кениялық Вероника Мбите Нзивамен кездесті. Қазақстандық спортшы рингте басымдылық танытып, қарсыласын нокдаунға түсіріп, айқын жеңіске 5:0 есебімен қол жеткізді.

81 келіден жоғары ауыр салмақта Елдана Талипова өзбекстандық Олтиной Сотимбоевамен қызу бәсекеге түсті. Қазақстандық боксшының басымдылығын төрешілер растап, бөлінген шешіммен 4:1 есебімен жеңіс берді, бұл оған турнирдің ширек финалына жолдама әперді.