Қазақстандық боксшы Дубайда қолғапсыз жекпе-жекке шығады

Қазақстандық кәсіпқой боксшы Ділшат Нұрым (9-1, 6 КО) Дубайда өтетін жалаң жұдырықпен жекпе-жек турниріне қатысады.

Bare Knuckle FC промоушенінде дебюттік жекпе-жек 5-ші сәуірде өтеді. Қазақстандық спортшы ресейлік Шәміл Джахбаровпен кездеседі. Екі спортшы үшін де бұл осы форматтағы алғашқы өнер көрсету болмақ.

Айта кетейік, Нұрым өзінің соңғы кәсіпқой бокстағы жекпе-жектерін Колумбияда өткізді. Онда бір жылдай бұрын Картахена қаласында мерзімінен бұрын жеңіске жетті. Жергілікті файтер Кевин Мартинесті (8-3; 8 КО) 3-ші раундта нокаутқа түсірді.