Қазақстандық боксшы Әли Ахмедов рингке оралуға дайындалып жатыр

BoxRec.com дерегіне сәйкес, екінші орта салмақтағы қазақстандық боксшы Әли Ахмедов (22-1, 16 КО) кәсіби рингке қайта оралуға дайындалуда. Оның келесі жекпе-жегі 2025 жылдың 25 қаңтарына жоспарланған. Жекпе-жек Калифорния штатының Коммерс қаласында өтеді. Қазіргі уақытта Ахмедовтың қарсыласы әлі белгісіз.

Айта кету керек, қазақстандық спортшы өзінің соңғы жекпе-жегін жақында ғана өткізді. 20 қыркүйекте Али Ахмедов Ирландияның Дублин қаласында француз боксшысы Пьер Хубер Дибомбені (22-2-1, 12 КО) төрешілердің бөлек шешімімен жеңді. Бұл жеңіс біраз дау туғызды, бірақ Ахмедов жеңісті өз қоржынына қоса алды.

Қызығы, Ахмедов Геннадий Головкинмен жұмыс істеген атақты промоутер Том Леффлермен ынтымақтастықта жұмыс істейді. Бұған қоса, ол GGG командасының құрамында жаттыққан, бұл оның кәсіби дамуына үлкен әсер еткені анық.

Бокс жанкүйерлері Али Ахмедовтың қарсыласының ресми түрде жариялануын асыға күтуде және 2025 жылдың басында тартысты жекпе-жек көреміз деп үміттенуде.