Қазақстан спорт министрлігі Астанадағы турнирге даулы блогердің шақырылуын жоққа шығарды

Қазақстан Республикасының Туризм және спорт министрлігі ресми Telegram-арнасы арқылы Eva Elfie-ді PGL Major Astana 2025 киберспорт турниріне шақыру туралы ақпаратты жоққа шығарды.

Ведомствоның ресми мәлімдемесінде турнирді тәуелсіз PGL Esports компаниясы ұйымдастырып жатқаны, қонақтар мен арнайы тұлғаларды шақыру туралы шешімді өз бетінше қабылдайтыны атап өтілді.

«Министрлік тек спорттық процестерді жалпы бақылауды жүзеге асырады, техникалық талаптардың сақталуын қадағалайды және ел аумағында халықаралық спорт турнирлерін өткізудің қауіпсіздігін қамтамасыз етеді»

PGL Major Astana 2025 турнирі Қазақстан астанасында $1,25 млн жүлде қорымен өтуде, оның жартысы қатысушы командалар арасында бөлінеді.