Норвегияның Тронхейм қаласында өтіп жатқан шаңғы жарысынан әлем чемпионатында 4х7,5 шақырымдық ерлер эстафетасы өтті, деп хабарлайды Olympic.kz.
Қазақстан құрамасы сапында Ернар Нұрсбеков, Владислав Ковалев, Виталий Пухкало және Олжас Климин өнер көрсетті. Біздің команда 27 құраманың ішінде 16-орынға тұрақтады.
Жарыстың жүлделі орындарына Норвегия, Швейцария және Швеция командалары қол жеткізді. Норвегия құрамасы алтын медаль жеңіп алса, күміс жүлде швейцариялық спортшыларға бұйырды, ал қола медальді Швеция командасы иеленді.
Айта кетейік, әйелдер эстафетасы бүгін өтеді. Жарыс Астана уақыты бойынша 17:15-те басталады.
