Оқу уақыты: 1 мин
5.0 Рейтинг
0 Комментарии

Қазақстан Премьер-лигасының төртінші туры басталды

Бағдаулет Ерғали
Бағдаулет Ерғали
5.0 Рейтинг
21 Комментарии

Қазақстан Премьер-лигасының төртінші турының алғашқы күнінде бірқатар қызықты матчтар өтті.

«Оқжетпес» — «Тобыл» 0:1

Көкшетауда өткен кездесуде «Тобыл» сырт алаңда маңызды жеңіске жетті. 66-шы минутта алаң иелерінің капитаны Нияз Идрисов қызыл қағаз алып, командасын кем құрамда қалдырды. Негізгі уақыт тең аяқтала ма деген ой болғанымен, 90+3-ші минутта Александр Зуев жеңіс голын соғып, Қостанайлықтарға үш ұпай сыйлады.

«Жетісу» — «Жеңіс» 0:0

Талдықорғанда өткен ойында «Жетісу» мен «Жеңіс» өзара мықтыны анықтай алмады. Қос команда шабуылда белсенділік танытқанымен, нақты сәттерді голға айналдыра алмады.

«Астана» — «Ордабасы» 2:1

Елордада өткен матчта «Астана» мен «Ордабасы» кездесті. 33-ші және 58-ші минутта Марин Томасовтың нәтижелі пасынан кейін Усман Камара дубль авторы атанды. Қонақтар сапынан жалғыз голды 40-шы минутта Сұлтанбек Астанов соқты. Осылайша, елордалық клуб үш ұпайға қол жеткізді.

«Қызылжар» — «Тұран» 2:3

Петропавлда өткен тартысты матчта «Тұран» сырт алаңда екінші жеңісіне қол жеткізді. Екі команда да гол соғып, есеп 2:2 болып тұрған. Алайда, қосымша уақыттың алғашқы минутында Лука Згурский шешуші гол соғып, «Тұранға» жеңіс сыйлады.

Біздің парақшамыздан футбол матчтарының барлық нәтижелерін Live форматта бірінші болып біліңіз!