Қазақстан құрамасының капитаны Странджа кубогының финалында күтпеген жеңіліске ұшырады

Sports.kz хабарлауынша, Софияда (Болгария) әлем чемпионатының шағын нұсқасы саналатын беделді «Странджа кубогы» турнирі аяқталды.

92 кг-нан жоғары салмақ дәрежесіндегі финалдық кездесуде Қазақстан ұлттық құрамасының капитаны Айбек Оралбай Өзбекстан өкілі Жахонгир Зокировпен кездесті. Жекпе-жек қазақстандық боксшы үшін сәтсіз басталды: бірінші раундта ол нокдаунға түсті, бұл жекпе-жектің нәтижесіне әсер етті.

Төрешілер бөлінген шешіммен өзбек боксшысына жеңісті берді. Мамандар оны атақты Баходир Жалоловтың мұрагері деп атайды. Ал Оралбай – Азияның екі дүркін чемпионы (2022, 2024) – турнирдің күміс жүлдесін иеленді.