Қазақстан құрамасы Qazaqstan Hockey Open турнирін Ресейге қарсы матчтағы жеңіліспен бастады

Shaiba.kz хабарлағандай, Қазақстан ұлттық құрамасы 1XBET Qazaqstan Hockey Open турнирінің алғашқы кездесуінде Ресейдің 25 жасқа дейінгі командасына 1:4 есебімен есе жіберді.

Ойынға бас бапкер Олег Болякин мынадай құрамды таңдады:
Қақпашылар: Кудрявцев (басты), Әмірбеков (ауыстырушы)
Қорғаныс: Орехов – Метальников, Бекетаев – Данияр, Михайлов – Гайтамиров, Бреус – Волков
Шабуыл:

• Михайлис – Шестаков – Колесников
• Панюков – Лихотников – Асетов
• Рымарев – Омирбеков – Савицкий
• Қайыржан – Мұхаметов – Мұратов

Бірінші кезеңде ресейлік хоккейшілер Данил Аймурзин мен Дмитрий Саморуков екі шайба соғып, есепте алға шықты. Екінші кезеңде Марат Хайруллин мен Михаил Воробьев тағы екі голмен Ресейдің басымдығын арттырды.

Соңғы жиырма минутта Алихан Асетов қазақстандықтардың жалғыз шайбасын соқты — матч 1:4 есебімен аяқталды.

Қазақстан құрамасы келесі ойынында Беларусьпен кездеседі. Ал 1 аптадан кейін ұлттық құрама әлем чемпионатын Норвегияға қарсы матчпен бастайды.