Қазақстан құрамасы Өзбекстанмен жолдастық матч өткізеді

2025 жылы Қазақстан ұлттық құрамасы Өзбекстанға қарсы жолдастық матч өткізуді жоспарлап отыр. Бұл туралы Қазақстан футбол федерациясы президентінің кеңесшісі Нұрсұлтан Құрман Sport Pulse YouTube-арнасына берген сұхбатында мәлімдеді.

Оның айтуынша, кездесу күз айларында елдің оңтүстігіндегі стадиондардың бірінде – Шымкент немесе Түркістан қалаларында өтуі мүмкін.

«Қазіргі уақытта келіссөздер жүргізілуде. Өзбекстанмен жолдастық матч осы күзде өтуі мүмкін. Біз Шымкент пен Түркістанды ықтимал алаң ретінде қарастырып отырмыз. Бұл — жылды қортындылайтын ойын болмақ», – деді Нұрсұлтан Құрман.

Жаңалыққа толы болған сұхбаттың толық нұсқасын  Sport Pulse Youtube-арнасында көруге болады.

Біздің парақшамыздан футбол матчтарының барлық нәтижелерін Live форматта бірінші болып біліңіз!