Қазақстан құрамасы Минскіде Беларусьпен жолдастық кездесу өткізеді

«Ухо» телеграм-арнасының хабарлауынша, Қазақстан мен Беларусь ұлттық құрамалары жолдастық кездесу өткізу туралы келісімге келді.

Матч 6 маусымда Минскіде өтеді, төрт күннен кейін беларусь командасы өз алаңында Ресей құрамасын қабылдайды.

ФИФА-ның қазіргі рейтингінде Беларусь құрамасы 98-орында тұрса, Қазақстан командасы 110-орынды иеленіп отыр.

Айта кетейік, бірнеше күн бұрын Мағомед Әдиевтің шәкірттері 2026 жылғы әлем чемпионатының іріктеу матчында жеңіске жетті — қазақстандық футболшылар Лихтенштейнді 2:0 есебімен жеңді.