Қазақстан құрамасы ӘЧ-2025-те Швейцариямен шешуші матч өткізеді

Бүгін Олег Болякин басқаратын Қазақстан құрамасы әлем чемпионаты-2025-тегі шешуші матчын Швейцария командасына қарсы өткізеді — кездесу Астана уақытымен 15:20-да Qazsport телеарнасында басталады.

Швейцария командасы матчқа айқын фаворит ретінде келеді — алты ойыннан кейін олардың қоржынында 16 ұпай бар, ал қазақстандықтар небәрі 3 ұпай жинады.

Қарсыластар турнирде әртүрлі нәтиже көрсетті:

• Швейцария: Дания (5:2), АҚШ (3:0), Германия (5:1), Норвегия (3:0), Венгрия (10:0) құрамаларын жеңіп, Чехиядан (4:5) жалғыз жеңіліс
• Қазақстан: Норвегияны жеңіп (2:1), Германия (1:4), Венгрия (2:4), Дания (1:5), Чехия (1:8), АҚШ-тан (1:6) жеңіліс тапты

Жоғары дивизиондағы орнын сақтап қалу үшін қазақстандық құрамаға Швейцариямен матчта кем дегенде бір ұпай алу қажет — бұл B тобында алтыншы орынды қамтамасыз етеді.