Қазақстан құрамасы ӘЧ-2025-те Данияға ірі есеппен жеңілді

Shaiba.kz хабарлауынша, Қазақстан құрамасы 2025 жылғы әлем чемпионатындағы төртінші ойынында Дания командасына 1:5 есебімен жеңілді.

Бас бапкер Олег Болякин мұзға келесі құрамды шығарды:

• Павленко (Әмірбеков)
• Бекетаев-Данияр, Асетов-Лихотников-Панюков
• Орехов-Бреус, Старченко-Шестаков-Михалис
• Метальников-Королёв, Рымарев-Волков-Савицкий
• Ғайтамиров, Қайыржан-Мұхаметов-Мұратов
• Колесников

Бірінші кезең шайба салынбай аяқталды — екінші бөлікте даниялықтар Миккель Огардтың голымен алға шықты, содан кейін Александр Тру басымдықты еселеді. Соңғы жиырма минутта Никита Михайлис есеп айырмасын қысқартты, алайда үй иелері үш дәл лақтырумен жауап берді — Кристиан Вайсе, қайтадан Тру және Ник Олесен көзге түсті.

Қазақстандық команда үш ұпаймен B тобында жетінші орында тұр, тек бір ұпайы бар Норвегия құрамасын ғана басып озып тұр. Болякин шәкірттерінің келесі матчы Чехияға қарсы өтеді.