Қазақстан Кубогының жартылай финалына шыққан командалар анықталды

Қазақстан Кубогының ширек финалдық ойындарының қорытындысы бойынша келесі кезеңге өткен командалар анықталды.

Ширек финалда «Ордабасы» өз алаңында «Қайратты» 1:0 есебімен жеңді, «Қызылжар» пенальти сериясында «Елімайдан» 3:1 есебімен басым түсті, елордалық «Женіс» те пенальти сериясында «Астананы» 4:3 есебімен ұтты, ал «Тобыл» сырт алаңда «Тұраннан» 2:0 есебімен айқын жеңіске жетті.

Жартылай финалдық жұптар келесідей:

• «Қызылжар» — «Ордабасы»
• «Тобыл» — «Женіс»

Алғашқы ойындар маусым айының соңында, қайтару кездесулері тамыз айының соңында өтеді, ал финал қараша айының басына жоспарланған. Қалған командалар арасында ең көп трофей — үш рет — «Женісте», «Тобыл» мен «Ордабасы» кубокты екі реттен жеңіп алған, ал «Қызылжар» әзірге бұл титулға ие болған емес.