Қазақстан футзалдан Әлем чемпионатының ширек финалында Аргентинадан жеңіліп қалды

Shaiba.kz хабарлауынша, футзалдан Қазақстан ұлттық құрамасы Өзбекстанда өтіп жатқан әлем чемпионатының ширек финалында Аргентина құрамасымен кездесті. Қазақстан құрамасының бас бапкері Кака матчқа келесі құрамды қойды: Игита, Дарибай, Лео, Тұрсағұлов, Дуглас. Орындықта Серіков, Кнауб, Рашит, Абдуманапұлы, Валиуллин, Турегазин, Ақбалықов, Оразов және Есенаманов болды.

Кездесудің бірінші жартысы қарқынды күресте өтті, бірақ есеп ашылмады. Екінші таймда Аргентина құрамасы алты гол соғып, айқын басымдыққа ие болды. Қазақстан құрамасындағы жалғыз голды Дәурен Тұрсағұлов соқты, бірақ бұл жеңілістің алдын алуға жеткіліксіз болды. Матч 6-1 есебімен Аргентина пайдасына аяқталды.

Аргентинаның голдарын Роза (22 минут), Клаудино (27 минут), Арриета (29 минутта пенальти), Корсо (32 минут), Алемани (34 минут) және Арриета (36 минутта пенальтиден) соқты. Қазақстан құрамасы үшін бұл әлем чемпионаты осымен аяқталды.

Матчтың соңғы минуттарында Тұрсағұлов алаңнан шығарылып, бұл Қазақстан құрамасының жағдайын одан әрі қиындатты. Аргентина жартылай финалда Франциямен кездеседі.