Қазақстан әйелдер құрамасы Қырғызстанмен жолдастық кездесу өткізеді

Футболдан Қазақстан әйелдер құрамасы мамыр айында Қырғызстанмен екі жолдастық ойын өткізеді.

23 мамыр күні Қазақстан ұлттық құрамасы Алматыдағы «Қайрат» ФК базасында оқу-жаттығу жиынын бастайды.

Жиын барысында Қазақстан мен Қырғызстан құрамалары арасында 25 және 28 мамырда екі жолдастық ойын жоспарланған. Матчтар Алматы қаласының орталық стадионында өтеді. Басталуы – 15:00-де.

Айта кетейік, Қазақстан әйелдер құрамасы УЕФА Ұлттар лигасы аясында шешуші екі ойынын өткізеді. 30 мамырда Қазақстан құрамасы Лихтенштейнді қабылдаса, араға үш күн салып Люксембургпен кездеседі.