Каспий Түркістанды ойсырата жеңіп, Бірінші лигадағы көшбасшылығын нығайтты

Қазақстан Бірінші лигасының 18-ші тур аясында бірқатар ойындар өтті — турнир көшбасшысы «Каспий» «Түркістанды» 4:0 есебімен сенімді жеңді.

Көшбасшыны қуып келе жатқан «Ертіс» өз алаңында «Жетісайды» 3:1 есебімен жеңсе, «Қайрат-Жастар» күтпеген жерден «Алтайды» 5:2 есебімен ойсырата жеңді.

«Шахтер» турнир кестесінде жоғары көтерілу мүмкіндігін жіберіп алды — команда «Ақтөбенің» жастар құрамымен 2:2 есебімен тең түсті.

Турдың қалған матчтарының нәтижелері:

• «Академия Оңтүстік» — «Хан-Тәңірі» — 1:0
• «SD Family» — «Тараз» — 0:2
• «Екібастұз» — «AKAS» — 1:5

18 тур қорытындысы бойынша турнир кестесін 44 ұпаймен «Каспий» бастап тұр, екінші орында «Ертіс» — 42 ұпай, көшбасшылар үштігін 38 ұпаймен «Алтай» түйіндеп тұр, төртінші орында 36 ұпай жинаған «Шахтер» орналасқан.