Карвахаль Марсель қақпашысын басымен ұрғаны үшін қызыл қағаз алды

Чемпиондар лигасы матчында Мадрид «Реалы» Даниэль Карвахальдің жарыс ережесін бұзғаны үшін қызыл қағаз алып, командасын азшылықта қалдырды.

Оқиға матчтың 69-шы минутында орын алды — «Реал» капитаны француз командасының қақпасы алдында бұрыштама орындалар сәтте «Марсель» қақпашысы Херонимо Рульимен сөзге келіп қалды.

Қақтығыс барысында испандық қорғаушы аргентиналық қақпашының бетін басымен ұрды — Рульи алаңға құлап, беті ауырғандықтан ұзақ уақыт бойы орнынан тұра алмады.

Матчтың бас төрешісі Ирфан Пельто бейнеқайталауды қарап шығып, Карвахальді алаңнан қуу туралы шешім қабылдады.