Каррагер: «Слоттың алғашқы маусымдағы жеңісі — сенуге қиын жетістік»

«Ливерпульдің» бұрынғы қорғаушысы Джейми Каррагер Арне Слоттың Премьер-лигада титул жеңіп алған алғашқы маусымына жоғары баға берді. Ол BBC Radio Merseyside-қа берген сұхбатында бұл жетістікті «Ливерпульдің ең адал жанкүйерлері де күткен жоқ» деп мәлімдеді.

«Бірінші маусымда-ақ чемпион атану — бұл керемет. Слот Юрген Клоптың жолын жалғастыруға тырысқан жоқ, өз стилін қалыптастырды», — деді Каррагер.

Ол «Тоттенхэммен» ойыннан кейінгі микрофонмен болған сәттен басқа, Слот Клопқа еліктемей, өз жолымен жүргенін ерекше атап өтті.

«Мен ұзақ уақыттан бері алғаш рет «Ливерпульді» келесі маусымның басты фавориті деп атауға дайынмын. Әрине, бәрі трансферлік терезеге байланысты», — деп қосты аңыз қорғаушы.