«Каролина Харрикейнс» Митч Марнерге келісімшарт ұсынуға дайын

«TSN» мәліметінше, «Каролина Харрикейнс» шабуылшы Митч Марнер еркін агентке айналса, оған келісімшарт ұсынуды жоспарлап отыр.

Бірнеше ай бұрын «Торонто» мен «Каролина» Марнердің айырбасталуы туралы келіссөз жүргізген. Олар бұл мәмілеге кейіннен «Далласқа» ауысқан Микко Рантаненді қосу мәселесін талқылаған. Алайда толық айырбастау тыйымы бар Марнер бұл ұсыныстан бас тартты – ол «Торонто Мейпл Лифс» сапында қалғысы келетінін айтты.

27 жастағы шабуылшының қазіргі келісімшарты осы жазда аяқталады. Оның жалақы төбесі – 10,9 миллион доллар. Бірақ соңғы айларда Марнердің өкілдері «Торонтоның» жаңа келісімшарт туралы келіссөз бастауға талпынысына жауап бермей келеді.