Канело Скаллды жеңіп, Эр-Риядта абсолютті чемпион атағын қорғады

Эр-Риядта (Сауд Арабиясы) супер орта салмақтағы әлемнің абсолютті чемпионы атағы үшін Сауль «Канело» Альварес пен Уильям Скалл арасында бокс кездесуі өтті.

Жекпе-жекте рекорды 63-2-2 (39 КО) мексикалық боксшы мен рекорды 23-1 (9 КО) кубалық үміткер кездесті — қарсыластық белгіленген он екі раундқа созылды.

Жекпе-жек қорытындысы бойынша төрешілер 115-113, 116-112 және 119-109 есебімен Альварестің пайдасына бірауызды шешім шығарды — қазіргі чемпион барлық титулдарын сақтап қалды, ал оның қарсыласы мансабындағы алғашқы жеңілісін тартты.

Титулдарды сәтті қорғаған жағдайда Сауль Альварес қыркүйекте жеңілмеген америкалық боксшы Теренс Кроуфордпен (41-0, 31 КО) кездесуі тиіс.