Канело қазақстандық Аманқұлдың спаррингтегі нокаутына таң қалды

Аңызға айналған мексикалық боксшы Сауль «Канело» Альварес өзінің жаттығу залында әсерлі сәттің куәгері болды.

Қазақстандық орта салмақтағы Әбілхан Аманқұл — кәсіби рекорды 4-0-1 және жеңістерінің 100 пайызы мерзімінен бұрын аяқталған боксшы — спарринг кезінде шеберлігін көрсетіп, қарсыласын бауыр тұсына дәл соққымен ауыр нокаутқа түсірді.

Айта кетерлігі, Альварестің өзі — 63-2-2 рекордтың иесі — рингтегі жағдайды мұқият бақылап, көргенінен таңданысын жасыра алмады.

Кәсіпқойға айналғанға дейін Аманқұл әуесқойлар арасында елеулі жетістіктерге қол жеткізді:

• 2017 жылғы әлем чемпионатының күміс жүлдегері
• 2018 жылғы Азия ойындарының күміс медалі
• 2017 жылғы Азия чемпионатының қола жүлдегері
• Үш дүркін Қазақстан чемпионы