Канело мансабын аяқтауы мүмкін

Бокс әлемінің жұлдызы Сауль «Канело» Альварес рингпен қоштасуға жақын. Белгілі промоутер Эдди Хирннің айтуынша, Канело қыркүйек айында Теренс Кроуфордқа қарсы өтетін жекпе-жектен кейін мансабын аяқтауды жоспарлап отыр.

Хирннің сөзіне қарағанда, қазіргі уақытта Альварестің боксқа деген мотивациясы мен нақты мақсаты жоқ. Бұл – рингтегі ұзақ жолдың соңына жеткенін білдіруі мүмкін.

Канело – бірнеше салмақта әлем чемпионы атанған, тарихи жекпе-жектерге қатысқан ерекше тұлға. Егер бұл рас болса, қыркүйектегі кездесу оның мансабындағы соңғы жекпе-жек болмақ.