Канадалық қорғаушы Мак Холлоуэлл «Локомотив» ойыншысы атанды

Ярославль «Локомотиві» канадалық қорғаушы Мак Холлоуэллмен келісімшартқа қол қойғанын хабарлады, деп жазады клубтың телеграм-арнасы. 26 жастағы хоккейшімен келісім бір маусымға жасалды — ойыншының жалақысы 40 миллион рубльді құрайды.

Биылғы маусымда канадалық АХЛ-да «Питтсбургтің» фарм-клубының намысын қорғады — тұрақты чемпионаттың 56 ойынында ол 31 ұпай жинады, оның ішінде бір шайба соғып, 30 нәтижелі пас берді, пайдалылық көрсеткіші «-3» болды.

Холлоуэллдің НХЛ-дағы тәжірибесі де бар — екі жыл бұрын ол «Торонто» құрамында 6 ойын өткізді.