Канадалық футболшы әйел «Арсеналға» ауысып, трансферлік рекорд орнатты

«Арсенал» әйелдер футболында жаңа трансферлік рекорд орнатты — лондондық клуб шабуылшы Оливия Смитті «Ливерпульден» бір миллион фунт стерлингке сатып алды.

«Арсеналмен» келісімшартқа отыру мен үшін үлкен мәртебе. Менің арманым — Англия мен Еуропадағы басты титулдар үшін күресу, және мен команданың жетістіктеріне өз үлесімді қосуды асыға күтемін», — деді Смит.

Ұлттық құрамада 15 жасында дебют жасаған 20 жастағы канадалық, Чемпиондар лигасының қазіргі жеңімпаздарымен төрт жылдық келісімшартқа отырды. Өткен маусымда шабуылшы ағылшын Суперлигасында 20 матчта жеті гол соқты.

Бұрынғы рекорд «Челсиге» тиесілі болатын — қаңтарда лондондық клуб АҚШ құрамасының қорғаушысы Наоми Гирма үшін 900 мың фунт төледі. Смит бойынша мәміле «Арсенал» тарапынан бөліп төлеу арқылы жүзеге асырылады, сонымен қатар «Ливерпуль» оның болашақтағы сатылымынан пайыз алады.