Канада құрамасының америкалық бапкері Трамптың мәлімдемелерін сынға алды

BBC хабарлауынша, Канада құрамасының бас бапкері Джесси Марш АҚШ президентінің Канаданы 51-ші штатқа айналдыру туралы соңғы мәлімдемелеріне қатаң жауап берді.

«Висконсин» тумасы, 2024 жылдың мамыр айында Канада құрамасын басқарған Марш өз пікірін ашық білдірді:

«Егер президентімізге айтар сөзім болса — Канаданы 51-ші штат ретінде қарастыратын күлкілі риториканы тоқтатыңыз. Америкалық ретінде мен ең ескі әрі адал одақтасымызға көрсетілген мұндай менмендіктен ұяламын».

Екі ел арасындағы шиеленіс жақында өткен «4 ұлт» хоккей турнирінде ерекше байқалды. Матчтың алғашқы 9 секундында үш төбелес орын алып, жанкүйерлер бір-бірінің әнұрандарын ысқырықпен қарсы алды. Канаданың овертаймдағы жеңісінен кейін премьер-министр Джастин Трюдо әлеуметтік желіде:

«Сіздер біздің елімізді ала алмайсыздар — және біздің ойынымызды да ала алмайсыздар» деп жазды.

«Канада — әділдікке терең тамыр жайған күшті тәуелсіз ұлт. Бұл АҚШ-тағы поляризацияланған, құрметсіз және жиі жек көрушілік ахуалға қарағанда жоғары этика мен құрметті бағалайтын ел» — деп атап өтті Марш.

Канада құрамасы наурыздың 21-інде «КОНКАКАФ Ұлттар лигасының» жартылай финалында Мексикамен кездеседі, ал жеңімпаз екі күннен кейін «Калифорниядағы» «SoFi Stadium» стадионында АҚШ немесе Панамамен финалда ойнайды.