Камила Валиеваның ісі қайта қаралуы мүмкін

«Матч ТВ» мәліметінше, мәнерлеп сырғанаушы Камила Валиеваның ісі қайта қаралуы ықтимал. Бұл туралы заңгер Анна Анцелиович спортшының жаңа апелляциясына қатысты пікір білдірді.

Валиеваның қорғаушылары Швейцария федералды сотына шағым түсіріп, Дүниежүзілік допингке қарсы агенттіктің (WADA) спортшының допинг-сынамасының кездейсоқ ластануы туралы дәлелдерді әдейі жасырғанын мәлімдеді.

«Егер адвокаттар WADA адал емес түрде алып тастаған спортшының пайдасына жасалған эксперименттің бар екенін дәлелдей алса, бұл сотқа ұнамауы мүмкін. Судьялар барлық тараптың әділ әрекет етуін талап етеді», — деді Анцелиович.

Еске сала кетейік, жылдың басында Спорттық төрелік сот Валиеваға төрт жылға спорттан шеттету жазасын тағайындады. Бұл мерзім 2021 жылдың желтоқсанынан бастап есептеледі. Осы шешімге байланысты барлық нәтижелері, соның ішінде 2022 жылғы Олимпиададағы және Еуропа чемпионатындағы алтын медальдары жойылды.