Камил Гаджиев: «Махачев пен Дзюбаның жекпе-жегі ұзаққа созылмас еді»

Fight Nights Global президенті Камил Гаджиев UFC жеңіл салмақтағы чемпионы Ислам Махачев пен «Акрон» футбол клубының шабуылшысы Артем Дзюба арасындағы болжамды жекпе-жекке қатысты пікір білдірді, деп хабарлайды «Чемпионат».

«Тұрып жұдырықтасу барысында ұзын аяқ-қолды Дзюба біраз қарсыласар еді — бұл үш-төрт минутқа созылуы мүмкін. Ислам бірден шабуылға шығатын боксшы емес, мүмкін ол көрермендердің көңілінен шығу үшін жұмыс істер еді», — деді промоушен басшысы.

Гаджиевтің айтуынша, футболшының дене бітімі әсерлі болғанымен, бұл жекпе-жекте салмақ дәрежесіне қарамастан Махачевтің мықтылығы шешуші болар еді:

«Жекпе-жек бірінші раундта аяқталар еді, және бұл Исламның пайдасына шешілетіні анық», — деді ол.

Әңгіме соңында Гаджиев әзілмен жаңа ұсыныс та жасады:

«Дзюба мен Александр Соболевтің арасында жекпе-жек ұйымдастыруға болады — екеуінің де физикалық параметрлері ұқсас, әрі көпшілікке жақсы таныс», — деді ол күліп.